رانيا يوسف: مش هتحجب في يوم من الأيام

كشفت الفنانة رانيا يوسف، عن موقفها من ارتدائها الحجاب، وذلك خلال تصريحات تليفزيونية.

وقالت رانيا، خلال اللقاء: أنا مبحبش أحكم على حد من طريقة لبسه، الطرحة لا هتقلل مني ولا هتزودني الواحد بيتحجب بأفكاره ومعتقداته وده رأي الشخصي ووالدتي وجدتي مش محجبين، وأعرف ناس كبار في السن مش لابسين الحجاب.

وتابعت: مش بيتهيألي إني اتحجب في يوم من الأيام دي مش من أفكاري خالص، أنا مش هدخل في قصة الحجاب فرض ولا لأ أنا مش هفتي ومبتكلمش في الدين ولا في السياسة، أنا ليا حالي وحال بناتي.

وأضافت: أنا متصالحة مع فكرة الموت، وليه ارتباطنا بـ ربنا مرتبط بالخوف، هو أنا مينفعش أحبه من غير ما أخاف وأخاف ليه؟ ده ربنا اسمه الرحمن الرحيم ومفيش أرحم منه على البشر إحنا منه وراجعين له، ليه لازم العذاب والخوف؟ ومعنديش فكرة الإلحاد أبدًا.